پاکستان میری گرل فرینڈ

یوم پاکستان ۔۔ دراصل یوم تجدید عہد ہے۔۔ہم بانی پاکستان کی دی گئی جغرافیائی اور نظریاتی سرحدوں کے امین ہیں۔۔ ۔نظریاتی سرحد دراصل دو قومی نظریہ ہے اور جغرافیائی سرحد بھی یہی ہے۔۔ دو قومی نظریہ پاک لوگوں کے سر زمین پاکستان۔۔ اور ناپاک لوگوں کی زمین ہندوستان۔  کے درمیان کرہ ارض پر دست قدرت سے کھینچی ایسی لکیر ہے۔جس کا ظہور14 اگست 1947 کو رمضان المبارک کی 27 ویں شب قیام پاکستان کی صورت میں ہوا۔اس لکیر نے نہ صرف مسلمانوں کو ہندووں سے الگ شناخت دی ۔۔۔بلکہ کلمہ طیبہ اور رامائن کا فرق بھی واضح کیا۔قائد اعظم کی قیادت میں مسلمانوں نے اغیارکو پیغام دیا کہ ہم نے برصغیر پر ہزاروں سال حکمرانی کی ہے۔۔ہم محکوم رہنے کے لئے پیدا نہیں ہوئے۔ ہمیں ایسی آزاد فضاووں کی ضرورت ہے جہاں پر مذہبی آزادی ۔۔۔ ملی آزادی سے مشروط ہے

آج اسلام آباد میں 7 سالہ وقفے کے بعد ہونے والی یوم پاکستان کی تقریب اور واہگہ بارڈر پر ہونے والی پُرجوش تقریب نے میرے بدن میں ملی غیرت اور محبت کے اُس جذبے کو مزید پرجوش اور توانا کر دیا ہے جو کبھی ماند پڑا ہی نہیں تھا

صنم تو بے وفا کے نام سے مشہور

شہر کے مصروف ترین اڈے پر بسیں۔۔استری کئے ہوئے کپڑوں کی طرح پیک ہو رہی تھیں

مجھے بس کےانتظار کا عارضہ لاحق تھا۔۔ دفتر جانے کے لئے۔۔ اچانک ایک مترنم آواز بن گوش سے ٹکرا کر کان کے ڈرم تک جا پہنچی۔۔ سنو۔۔!۔ مجھے گھر تک چھوڑ دو گے۔۔؟ آفر سن کردیپک راگ کی طرح دماغ میں اچانک دئیے ٹمٹمانےلگے۔۔ دماغ میں ٹن ٹن ہو رہی تھی۔جسیے کسی اناڑی نے راگ درباری کانہڑہ بجانے کے دوران ہارمونیم پر پہلا، دوسرا اور تیسرا کالا اکھٹے بجا دئیے ہوں۔ٹن ٹن ٹن۔۔۔

خیال کی گائیکی کے دوران ایک لمحہ ایسا بھی آتا ہے۔۔۔جب سامعین کو اندازہ نہیں ہوتا کہ گلوکار کس راگ میں خیال چھیڑےگا۔۔

پھر۔۔۔گلوکار جو کچھ اپنے گلے سے اُگلتا ہے۔۔۔ وہی سُر طبلے سے نکلتے ہیں۔۔یہ تال میل بس اتنا سا ہی رسیلا ہوتا ہے کہ صرف سُریلے کانوں کو بھلا لگتا ہے

ٹھمری کلاسیکل کی زنانہ صنف ہےجسےخیال کی طرح استھائی اور انترہ سے آراستہ کیاجاتا ہے۔۔ٹھمری ارادے کے اظہار کا ذریعہ بھی ہے۔

انسان ولد جانور۔۔۔۔ ڈارون لاہور میں

چارلس رابٹ ڈارون 1809 میں برطانیہ میں پیدا ہوا اور اپنے نظریہ ارتقا (Evolutionary theory) کی وجہ سے دنیا بھرمیں مشہور۔۔۔ اور مسلم دنیا میں بدنام ہوا۔۔ڈارون نے نوع انسانی کے ارتقا کا یہ باطل نظریہ 50 سال کی عمر میں تقر یبا1859 میں پیش کیا۔

ڈارون کہتا ہے کہ تمام جاندار اپنے ارد گرد کے ماحول میں زندہ رہنے کے لئے اپنی ہیت کوبدلتے رہتے ہیں۔انسان بن مانس کی نسل سے تھا۔ماحولیاتی تغیر کی وجہ سے ہیت بدل کر انسان ویسا ہوگیا۔۔۔جیسا آج ہے۔ چمپینزی جیسے چوپائے کی طرح۔۔۔۔دو پیروں پر انسان کھڑا ہو گیا۔۔۔ کیونکہ یہ تغیر اُس زمانے اور اُس ماحول میں بقاء کے لیے ضروری تھا۔

ڈارون کے ہم خیال مادہ پرستوں کا خیال ہے کہ زندگی اربوں سال پہلے ساحل سمندر سے نمودار ہوئی۔پھرساحل پر ہی نباتات اور اس کی مختلف انواع وجود میں آئیں۔ نباتاتی تغیر نے حیوانات پیدا کئے اور یہی حیوانات۔۔۔غیرانسانی اور نیم انسانی حالت کے مختلف مدارج طے کرکے مرتبہ انسانیت پر۔۔۔تک پہنچے یعنی چمینزی۔۔بندر۔۔۔انسان۔۔کچھ لوگ کہتے ہیں کہ یہ نظریہ پہلی بار ارسطو نے پیش کیا تھا۔مسلمان مفکر ابن خلدون نے بھی جزوی طور پر اسی نظریئے کی حمایت کی تھی۔

ویلنٹائن ڈے رانگ نمبر ہے۔۔۔۔!

محبت ہمارے من کا وہ پودا ہے جس کی پنیری ازخود پھوٹتی ہے۔یہ پودا اعتماد کی آبیاری سے پنپتا ہے اور جب بڑھ پھول جاتا ہے تو انداز ہوتا ہے کہ من میں سروُ اُگا لیا ہے۔جس کی چھاوں ہوتی ہے اور نہ ہی پھل۔۔ البتہ خار ضرور ہوتے ہیں۔۔ ۔ساون کے اندھے کو چونکہ ہر طرف ہرا ہی سوجھتا ہے تبھی تو من کا جنا سرو بھی بھلا لگتا ہے۔۔ سرو قد عاشق جیسا۔۔ آسوں، امیدوں اور میلاپ کی چھوٹی چھوٹی گوڈی کرکے ہم اسے ہرا بھرا رکھتے ہیں۔۔ بد اعتمادی، عدم برداشت اور رقیب کا دکھ عشق کو اکثر ادھورا چھڑوا دیتے ہیں۔۔بد اعتمادی تو پورا زہر ہے۔۔ پودے کو جھاڑی میں بدل ڈالنے والا۔۔۔ زہر من میں ہو تو تن میں بھی سرائیت کر جاتا ہے اور پھر زبان بھی زہر ہی اگلتی ہے۔۔۔لیکن پیار، محبت اور عشق کیا ہوتا ہے اس کی تشریح خاصا مشکل کام ہے۔۔۔کون جانے محبوب کو پالینا عشق ہے یا اسےکھو دینا معراج عشق۔ ابتدائے عشق میں ہی بدہضمی کے ڈکار کی طرح محبوب کی یاد بار بار آتی ہے۔انتہائے عشق میں ساتھ مروڑ بھی اٹھتے ہیں۔کیفیت السر جیسی ہوجاتی ہے۔۔۔ انسان خود کو کھو دیتا ہے فنا فی المحبوب۔۔۔ بقول انور شعور

میری محبوبہ ہی مس پاکستان ہے۔۔۔ !

حسن جاناں کی تعریف ممکن نہیں آفریں آفریں۔۔۔۔ آفریں، آفریں

یہ گانا جب بھی کسی بھونپو، ریکارڈ پلئیر یا ڈی وی ڈی پر بجتا ہے تو دل جانِ جاناں کے لئے زیادہ شدت سے تڑپتا ہے۔۔۔جانِ من کبھی کبھی تو رشک چمن ہوتی ہے اور کبھی گلاب جامن۔۔۔ دِکھنے میں بھدی اور چکھنے میں میٹھی

حسن جاناں کی تعریف کے لئے جتنی بھی مبالغہ آرائی کرلو۔۔ ۔تشنگی رہ جاتی ہے۔۔۔وہ حور جس کے جلوے سے آنکھیں خِیرہ ہوجائیں۔اس کا ذکر جب نثر میں نہ سمٹےتو شعر پھوٹتے ہیں۔۔۔ہم وزن،ہم پلہ،ردیف اور قافیہ میں گوندھا ہوا حسن۔۔۔شعر کہنے والا ہوتا تو عاشق ہے لیکن اسے کہتے شاعر ہیں۔۔۔شعر اس کے محبوبتی ذوق کا تذکیہ ہوتے ہیں۔۔۔محبوبہ کو صغیہ راز میں رکھنے والا عاشق۔۔۔شاعربن کر حسن جاناں کو شعروں کے ذریعے ہمارے حوالے کرتا ہے۔۔۔شعر ہم وزن ہوں تو پرائی محبوبہ کا حسن بھی پرکھا جا سکتا ہے۔۔۔حیرت ہے کہ لوگ حسن کو وزن میں ڈھونڈنے لگے ہیں۔

پٹرول پینے والے مچھر

گلی محلوں،سڑکوں، میدانوں میں کھیلتے ہوئے جب کہیں سے آواز آتی کہ’’مچھر آ گیا ہے۔ مچھر ساڈے نال اے’’ توحیرانی ہوتی کہ مچھرکا آنا توٹھیک ہوسکتا ہے لیکن مچھراُن کی طرف کیسے ہوسکتا ہے۔۔۔؟یہ بھید تب کھلا جب معلوم پڑاکہ مُبشرکاپُٹھا نام مچھر ہے۔۔ ۔لیکن مجھے توآج تک سمجھ نہیں آئی ہرمبشر بچپن میں مچھرہی کیوں ہوتا ہے۔۔۔

ہم نے مچھروں کو مبشر سمجھ کر آزادانہ پلنے پوسنےدیا ہے۔ارتقائی عمل نے مچھروں میں سے کچھ ڈینگی بنا چھوڑے ہیں اور کچھ پہلے سےکھٹمل تھے۔۔۔

مچھری زندگی چار ارتقائی مراحل۔۔انڈہ،لاروا،پیوپا اور مکمل مچھر۔۔۔پرمشتمل ہوتی ہے۔۔ان کی افزائش جوہڑوں، تالابوں ،نالیوں میں ہوتی ہے۔تالابوں میں مینڈک،ڈڈ مچھلی اور مگرمچھ بھی ہوتے ہیں۔مگرمچھ۔۔۔مینڈک۔۔اور مینڈک۔۔مچھر کھاتے ہیں۔۔۔مینڈکی لقمہ بننے سے قبل مچھر خون پیتے ہیں۔۔ہوسکتا ہے۔مچھروں کو لذیز انسانوں کی تلاش رہتی ہو۔۔ ۔۔۔ڈریکولا۔۔۔۔مچھر

محبت۔۔اندھا پن لاتی ہے

دل توبچہ ہے،پاگل ہے،دل دیوانہ ہے، عشق بےدردی ہے، کمینہ ہے، کم بخت ہے۔۔ پیارمحبت کوچاہےجتنابھی برا کہہ لیں لیکن خوبصورت’’چیز‘‘دیکھ کر اچانک لگتاہے’’دل میں اک لہر سے اٹھی ہے ابھی‘‘۔دل انسان کوبےبس کئےرکھتا ہے۔کبھی اکڑوں بیٹھ جاتاہے،کبھی کروٹ لےلیتاہے،کبھی نرم، نرم۔۔۔ کبھی سخت۔۔سخت اورکبھی بقول بشیر بدر

مجھے حادثوں نے سجا سجا کے بہت حسین بنا دیا

میرا دل بھی جیسے دلہن کا ہاتھ ہو مہندیوں سے رچا ہوا

عشق صحرا کا ایسا تپتا موسم ہے جو صرف معراج محبوب سے

خوشگوار ہوتا ہے۔محب کی پہچان کیا ہے اور محبوب کون ہوتا ہے۔ ۔؟ یہ تشریح کافی مشکل ہے۔۔۔اشفاق احمد کہتے ہیں میرے بیٹے نےBSC سائنس کے ساتھ اردو رکھ لی۔بانو قدسیہ اسے غالب پڑھا رہی تھیں۔ توبیٹے نےپوچھ لیا۔۔امی۔! محبوب کیاہوتاہے۔بانو کے جواب سےتسلی نہ ہوئی۔۔ تومیں نے کہا جس سےمحبت کی جائے۔بیٹا کہنےلگا۔۔۔یہ توترجمہ ہے۔سائنس  تعریف مانتی ہے۔گھر میں دو۔۔دو ادیب ہیں۔محبوب کا ایک کو بھی نہیں پتہ۔۔ ۔جس کے بعد ہم تینوں باباجی کے پاس چلے گئے۔۔۔انہوں نے بتایا’’محبوب وہ ہوتاہےجس کا نہ ٹھیک بھی ٹھیک نظر آئے‘‘